Ministrat e Brendshëm të Kosovës dhe Maqedonisë, Zenun Pajaziti dhe Gordana Jankullovska, nënshkruan marrëveshje bashkëpunimi në fushën e policisë.
“Marrëveshja i hap dyert edhe marrëveshjeve të tjera dhe bashkëpunimit edhe më të thellë mes të dy vendeve”, tha Pajaziti.
Jankullovska tha se marrëveshja me palën kosovare është shprehje e miqësisë ndërmjet dy shteteve dhe e thellimit të bashkëpunimit të mëtejshëm.
“Marrëveshjen e sotme duhet ta vazhdojmë në bashkëpunimin mes policive dhe ministrive, në luftën kundër korrupsionit, kundër trafikimit të qenieve njerëzore dhe krimit të organizuar”, tha Jankullovska.
