Shtëpia e Bardhë tha sot se komandanti amerikan në Afganistan, gjenerali Stenli MekKristal, ka bërë "gabim të rëndë" në komentet e tij për një revistë.
Zëdhënësi Robert Gibs tha se presidenti Barak Obama ka kërkuar që gjenerali MekKristal personalisht në Uashington të marrë pjesë në takimin e të mërkurës, dhe të japë shpjegime për komentet e tij.
Në artikull, MekKristal bën shaka sarkastike për nënpresidentin Xho Bajden, i cili njihet si dyshues ndaj strategjisë së gjeneralit për luftën në Afganistan.
Gibs refuzoi të thotë nëse gjenerali do të shkarkohet, por tha se "të gjitha opcionet janë në tavolinë".