Ushtria e Shteteve të Bashkuara tha se numri i ushtarëve amerikanë në Irak ka rënë në më pak se 50 mijë.
Në njoftimin e sotëm ushtria nuk dha shifra të sakta se sa trupa aktualisht ndodhen në këtë vend.
Pak pas ardhjes në detyrë në vitin 2009, presidenti amerikan Barak Obama u zotua se SHBA do t'i japin fund operacioneve luftarake në Irak deri në fund të gushtit.
Brigada e fundit luftarake u largua nga Iraku javën e kaluar.
Të gjithë ushtarët amerikanë duhet ta lëshojnë Irakun deri në fund të vitit 2011.