Një grup militantësh të armatosur po mbajnë peng dy persona në ndërtesën qeveritare në Peshauar, thanë burimet zyrtare pakistaneze.
Incidenti ka ndodhur pasi militantët islamikë janë përpjekur mëngjesin e sotëm të hyjnë në një nga zonat e sigurta të ushtrisë pakistaneze në veriperëndim të vendit. Pasi nuk ia kanë arritur qëllimit ata kanë marrë peng dy nga rojet.
Kharim Khan, një zyrtar i lartë i policisë rajonale, tha se nuk është ende i qartë qëllimi i militantëve, por ata u përpoqën të kishin qasje në një nga zonat më të rëndësushme të ushtrisë, e cila gjendet në afërsi të konsullatës amerikane në Peshauar.
