Komisionari për Zgjërim i Bashkimit Evropian, Stefan Fyle, tha në Beograd se ka ardhur koha që BE-ja t’i marrë seriozisht kërkesat e Serbisë për anëtarësim.
Pas bisedimeve me presidentin serb Boris Tadiq, Fyle shfaqi shpresën se së shpejti Komisioni Evropian do ta marrë vendimin për kërkesën e Serbisë.
Por, Fyle shtoi se procesi i afrimit të Serbisë do të zhvillohet sipas meritave.
Tadiq tha se Serbia dëshiron që për një kohë sa më të shkurtër t’i fillojë bisedimet për anëtarësim në BE.