Ministrat e Financave të Bashkimit Evropian po hartojnë një plan për shpëtimin e sektorit bankar në Irlandë, pasi më herët u dakorduan që të dërgojnë atje një mision të BE-së dhe të Fondit Monetar Ndërkombëtar. Irlanda deri tash ka pohuar se nuk do të kërkojë ndihmë nga jashtë.
Shefi për çështje të financave i BE-së, Oli Ren, tha se Irlanda është e përkushtuar që të punojë me Bankën Qendrore Evropiane dhe FMN-në, të cilat po i intensifikojnë angazhimet për nxjerrjen nga kriza të sistemit bankar irlandez.
“Këto përgatitje, nga pikëpamja e Komisionit, mund të konsiderohen si intensifikim i një programi të mundshëm për ristrukturimin e sektorit bankar në rast se do të kërkohej diçka e këtillë”, tha Ren pas takimit të ministrave të Financave në Bruksel.
Qeveria në Dublin këmbëngul se nuk ka nevojë për plan të shpëtimit, por dyshimet e shtuara rreth aftësisë së Irlandës për t’i paguar vetë borxhet e saj i kanë ulur shkallët e interesit.
Irlanda tashmë ka shpëtuar tri banka dhe pritet të ndërhyjë edhe në tjerat, me shumën e përgjithshme prej 45 miliardë eurosh, të cilat mund ta rrisin deficitin buxhetor në 32 për qind të Bruto Prodhimit Shoqëror.
Përfaqësuesit e Bashkimit Evropian, ata të Bankës Qendrore Evropiane dhe Fondit Monetar Ndërkombëtar, do të udhëtojnë gjatë javës në Irlandë.
Këtë e bëri të qartë Zhan Klod Junker, kryesues i EUROGRUP-it, ku bëjnë pjesë 16 vendet që përdorin euron.
“Është përgjegjësi e Qeverisë së Irlandës që ta ndajë mendjen dhe të kërkojë mbështetjen evropiane. Nëse irlandezët janë të gatshëm, ato mund ta bëjnë këtë, edhe EUROGRUP-i si tërësi, edhe të gjitha 16 shtetet anëtare do të jenë të gatshme të ndihmojnë”, tha Junkers.
Sekretari britanik i Thesarit, Dejvid Osborn, premtoi se Britania do ta ndihmojë Irlandën po e deshi nevoja, duke thënë se është në “interesin kombëtar të Britanisë” që Dublini t’i kapërcejë telashet me buxhetin.
Problemet e Irlandës janë kërcënimi i dytë më i madh ndaj eurozonës pas krizës së Greqisë, për të cilën partnerët evropianë ndanë 110 miliardë euro gjashtë muaj më parë.
Ministri austriak i Financave, Jozef Proell, tha dje se vendet e eurozonës duhet t’ia shtyjnë nga dhjetori në janar pagesat për huan emergjente Greqisë, për shkak se Athina nuk i ka përmbushur premtimet nga marrëveshja.
Kriza irlandeze i ka rritur shqetësimet për kërkimin e huave edhe nga vendet tjera të eurozonës, siç janë Spanja dhe Portugalia.(v.p.)
Shefi për çështje të financave i BE-së, Oli Ren, tha se Irlanda është e përkushtuar që të punojë me Bankën Qendrore Evropiane dhe FMN-në, të cilat po i intensifikojnë angazhimet për nxjerrjen nga kriza të sistemit bankar irlandez.
“Këto përgatitje, nga pikëpamja e Komisionit, mund të konsiderohen si intensifikim i një programi të mundshëm për ristrukturimin e sektorit bankar në rast se do të kërkohej diçka e këtillë”, tha Ren pas takimit të ministrave të Financave në Bruksel.
Qeveria në Dublin këmbëngul se nuk ka nevojë për plan të shpëtimit, por dyshimet e shtuara rreth aftësisë së Irlandës për t’i paguar vetë borxhet e saj i kanë ulur shkallët e interesit.
Irlanda tashmë ka shpëtuar tri banka dhe pritet të ndërhyjë edhe në tjerat, me shumën e përgjithshme prej 45 miliardë eurosh, të cilat mund ta rrisin deficitin buxhetor në 32 për qind të Bruto Prodhimit Shoqëror.
Përfaqësuesit e Bashkimit Evropian, ata të Bankës Qendrore Evropiane dhe Fondit Monetar Ndërkombëtar, do të udhëtojnë gjatë javës në Irlandë.
Këtë e bëri të qartë Zhan Klod Junker, kryesues i EUROGRUP-it, ku bëjnë pjesë 16 vendet që përdorin euron.
“Është përgjegjësi e Qeverisë së Irlandës që ta ndajë mendjen dhe të kërkojë mbështetjen evropiane. Nëse irlandezët janë të gatshëm, ato mund ta bëjnë këtë, edhe EUROGRUP-i si tërësi, edhe të gjitha 16 shtetet anëtare do të jenë të gatshme të ndihmojnë”, tha Junkers.
Sekretari britanik i Thesarit, Dejvid Osborn, premtoi se Britania do ta ndihmojë Irlandën po e deshi nevoja, duke thënë se është në “interesin kombëtar të Britanisë” që Dublini t’i kapërcejë telashet me buxhetin.
Problemet e Irlandës janë kërcënimi i dytë më i madh ndaj eurozonës pas krizës së Greqisë, për të cilën partnerët evropianë ndanë 110 miliardë euro gjashtë muaj më parë.
Ministri austriak i Financave, Jozef Proell, tha dje se vendet e eurozonës duhet t’ia shtyjnë nga dhjetori në janar pagesat për huan emergjente Greqisë, për shkak se Athina nuk i ka përmbushur premtimet nga marrëveshja.
Kriza irlandeze i ka rritur shqetësimet për kërkimin e huave edhe nga vendet tjera të eurozonës, siç janë Spanja dhe Portugalia.(v.p.)