Ndërlidhjet

logo-print

Gadafi përpiqet të mbajë kontrollin, të huajt braktisin Tripolin



Mijëra të huaj vazhdojnë të braktisin Libinë në kohën kur po intensifikohen përplasjet ndërmjet Moamer Gadafit dhe kundërshtarëve të tij që kërkojnë t'i japë fund sundimit 42 vjeçar.

Kundërshtarët e regjimit raportohet se e mbajnë kontrollin në zonat lindore të Libisë, përfshirë qytetet Bengazi dhe Tobruk, kurse forcat pro Gadafit përpiqen të kontrollojnë Tripolin dhe rajonet perëndimore.

Gadafi, i cili përballet me largimin e disa diplomatëve dhe elementeve të ushtrisë, është zotuar të shtypë revoltën e opozitës dhe të mbajë pushtetin.

Qindra njerëz besohet se janë vrarë në trazirat që shpërthyen javën e kaluar, por nuk ka informata të verifikuara.

Ndërkohë, shumë vende i vazhdojnë operacionet për evakuimin e shtetasve të tyre nga Libia, njërin nga prodhuesit më të mëdhej të naftës në botë.

Turqia tha se po e zhvillon evakumin më të madh në histori për t'i mbrojtur rreth 25 mijë punëtorët turq në Libi, kurse vendet e Bashkimit Evropian kanlë ndërmarrë hapa për t'i avakuar reth 10 mijë shtetasit e BE-së.

Kina, India dhe SHBA-të gjithashtu përpiqen t'i evakuojnë mijëra shtetasit e tyre.
XS
SM
MD
LG