Marina amerikane heton videon skandaloze

Marina amerikane e ka nisur një hetim lidhur me një video që tregon katër trupa të marinës duke urinuar në trupat e vdekur të luftëtarëve afganë.

Në një deklaratë, trupa e marinës kanë thënë se ende nuk është vërtetuar origjina apo vërtetësia e videos që është postuar në faqen e internetit “You Tube”.

Në deklaratë gjithashtu thuhet se veprimet e portretizuara në video nuk janë në përputhje me vlerat e marinës amerikane.

Një zëdhënës i Pentagonit, Xhon Kirbi tha se ajo video është mjaft shqetësuese dhe se paraqet sjellje skandaloze.

Është ende e paqartë se kush e ka realizuar videon dhe postuar atë në internet.