Ndërlidhjet

Gazsjellësi në Homs goditet nga eksplodimi

  • RFE /RL

Homs

Homs

Gazsjellësi në provincën e Sirisë, Homs, është goditur nga një shpërthim i fuqishëm, derisa po vazhdon ofensiva e forcave të regjimit kundër protestuesve anti-qeveri në këtë rajon.

Nuk është e qartë se çka e shkaktoi eksplodimin e sotëm, nga i cili dilnin tufa të mëdha të tymit.

Ky gazjellës është qëlluar disa herë para dhe gjatë kryengritjes kundër presidentit Bashar al-Asad.

Sulmi i qeverisë në Homs, nga i cili, sipas aktivisëtve sirianë, kanë mbetur të vrarë qindra vetë, sot ka hyrë në ditën e 13-të me radhë.

Aktivistët thonë se në qytetin qendror Hama, trupat qeveritare poashtu, i kanë vazhduar sulmet me predha kundër hapësirave të kryengritësve. Këto sulme kanë shkaktuar ndërprerjen e rrymës elektrike dhe shërbimet e telekomunikimeve.

Ka raporte edhe për ndërhyrjen e forcave të regjimit me makina të blinduara, në disa pjesë të kryeqytetit Damas, me ç’rast janë ngritur postblloqe, janë bastisur shtëpitë dhe janë bërë arrestime.(f. b.)

XS
SM
MD
LG