Ndërlidhjet

Autoritetet pakistaneze thonë se të paktën 15 persona kanë humbur jetën dhe 35 të tjerë janë plagosur nga shpërthimi i bombës në një stacion autobusi, në Peshauar.

Policia thotë se bomba ishte vendosur në një makinë dhe përmbante rreth 40 kg eksplozivë.

Nuk është ende e qartë arsyeja e sulmit në njërën nga zonat më të ngarkuara të Peshauarit.

Përgjegjësinë për incidentin nuk e ka pranuar asnjë grup, ndonëse dyshimet hidhen mbi kryengritësit talibanë.

Peshauari ndodhet pranë rajonit fisnor të Pakistanit, që është bastion i talibanëve dhe militantëve të Al Kaidës.
XS
SM
MD
LG