Ndërlidhjet

logo-print

Mbreti Abdullah fton Ahmedinexhadin


Presidenti iranian, Mahmud Ahmedinexhad

Presidenti iranian, Mahmud Ahmedinexhad

Presidenti iranian, Mahmud Ahmedinexhad, pritet që në javën e ardhshme të marrë pjesë në një samit të liderëve myslimanë në Mekë pas ftesës nga mbreti saudit, njoftoi agjencia e lajmeve AFP.

Ahmedinexhad do të marrë pjesë në këtë samit “për të diskutuar zhvillimin e vendeve myslimane”, citon agjencia kreun e zyrës për marrëdhënie ndërkombëtare të presidentit, Mohamad Reza Forkani, i cili bëri të ditur se samiti dyditor do të nis më 14 gusht.

Arabia Saudite kërkoi në muajin e kaluar mbajtjen e këtij samiti me qëllim të “unifikimit të vlerave” myslimane.

Samiti do të mbahet në selinë e mekanizmit 57 anëtarësh-Organizatës për Bashkëpunim Islamik në Xhedah.

Mbreti Abdullah, siç raporton agjencia Saudi Press, e ka ftuar Ahmedinexhadin pavarësisht tensioneve të mëdha ndërmjet Mbretërisë së banuar kryesisht me suni dhe Republikës Islame të dominuar nga shiitët.
XS
SM
MD
LG