Ndërlidhjet

Gjermania “kërcënon” Greqinë


Athinë

Athinë

Gjermania do të ndalojë të gjitha ndihmat për Greqinë, nëse kjo e fundit nuk i përmbush kushtet nën të cilat ka marrë paketën për shpëtimin e ekonomisë, kanë thënë zyrtarë të bllokut konservator të kancelares Angela Merkel.

Zëvendësshefi i grupi parlamentar të këtij blloku, Miahel Fuks, ka thënë për gazetën “Handesblatt” se Berlini është i gatshëm të përdorë veton nëse nuk është i kënaqur me raportin që do të paraqesë trojka kreditore për Greqinë.

“Edhe po qe se gota është gjysmëplot, nuk është e mjaftueshme për paketën e re të ndihmës”, ka thënë Fuks.

Greqia ka marrë dy paketa ndihmash nga Bashkimi Evropian dhe Fondi Monetar Ndërkombëtar, në vlerë prej më shumë se 240 miliardë eurosh.

Inspektorët e BE-së, FMN-së dhe Bankës Qendrore Evropiane, që ndryshe njihen si trojka, aktualisht ndodhen në Athinë për të vlerësuar përparimin e Qeverisë greke në realizimin e reformave dhe arritjen e qëllimeve ekonomike.

Greqia duhet të zbatojë një sërë masash të ashpra kursimi për të siguruar ndihmën ndërkombëtare dhe, rrjedhimisht, për të shmangur daljen eventuale nga Eurozona.
XS
SM
MD
LG