Ndërlidhjet

Zyrtarët irakianë thanë se persona të armatosur të paidentifikuar kanë vrarë të paktën 40 ushtarë sirianë dhe punonjës të qeverisë, të cilët ikën në Irak në javën e kaluar për t'i shpëtuar një sulmi të guerilëve sirianë.

Sulmi i së hënës kishte në shënjestër një konvoj i cili po transportonte grupin, që po kthehej në Siri nëpërmjet një province të dominuar nga sunitët, Anbarit të Irakut.

Konvoji u prit në Akashat ndërsa po lëvizte drejt kufirit.

Trupat siriane ishin në mes të 65 personave që kaluan në Irak dhe iu dorëzuan autoriteteve irakiane më 1 mars në mënyrë që të shpëtonin nga sulmet e kryengritësve, që po luftojnë për të rrëzuar regjimin e presidentit sirian Bashar al-Asad.
XS
SM
MD
LG