Ndërlidhjet

Kryengritësit sirianë sulmojnë kufirin irakian


Ushtarë irakianë në kufirin me Sirinë

Ushtarë irakianë në kufirin me Sirinë

Kryengritësit sirianë kanë sulmuar dy postblloqe kufitare irakiane duke vrarë një roje dhe plagosur dy të tjerë.

Koloneli i rojeve kufitare Nayif Zaili tha se postblloqet gjenden dy kilometra nga vendkalimi kufitar Al-Waleed, në kufirin mes Sirisë dhe Irakut.

Pjesa siriane e Al-Waleed mbetet nën kontrollin e qeverisë së presidentit Bashar al-Assad, por kryengritësit kërkojnë që ta fusin nën kontroll tash e disa muaj.

Ndërkohë, kryeministri izraelit Benjamin Netanyahu tha të dielën se tërheqja e planifikuar e disa paqeruajtësve nga Lartësitë Golan tregon se Izraeli mund të llogarisë në trupat e vet për sigurinë.

Netanyahu po reagonte ndaj njoftimit të Austrisë në fillim të kësaj jave, që tha se do të tërhiqej nga misioni i OKB-së, pasi që kryengritësit sirianë kishin kaluar shkurtimisht në një pikë kufitare afër kufirit me Izraelin.
XS
SM
MD
LG