Ndërlidhjet

logo-print

Natë e përgjakshme në Egjipt, me mbi 70 të vrarë


Egjipt - Protesta masive pro dhe kundër presidentit të përmbysur Mohamed Morsi në Egjipt, 27Korrik2013

Egjipt - Protesta masive pro dhe kundër presidentit të përmbysur Mohamed Morsi në Egjipt, 27Korrik2013

Mbi 70 persona janë vrarë dhe dhjetëra të tjerë janë lënduar gjatë protestave masive të së premtës në Egjipt, ku në rrugët e qyteteve të ndryshme dolën qindra mijëra qytetarë në protestat rivale që thirrën ushtria dhe Vëllazëria Myslimane.

Siç lajmërojnë mediet ndërkombëtare, të cilat citojnë ekipe mjekësore, numri i viktimave mund të jetë edhe më i madh, pasi spitalet gjithandej vendit janë të stërmbushur me pacientë të plagosur nga protesta që mund të jetë më e dhunshmja që nga rrëzimi i presidentit të zgjedhur Mohamed Morsi më 3 korrik.

Vëllazëria Myslimane ka lajmëruar se nuk do të tërheq “protestat paqësore” edhe pse qindra lajmërohen të jenë të plagosur nga përplasja e demonstrantëve me forcat ushtarake, gjatë të premtës mbrëma dhe të shtunën në mëngjes.

Ushtria dhe policia thuhet se ka shtënë me plumba gome dhe gazë lotsjellës për të shpërndarë protestuesit pro-Morsi në paralagjen e Kajros Nasr City.

Demonstratat më të mëdha kundër Morsit ishin organizuar në sheshin Tahrir të Kajros, dhe Aleksandri.

Ende nuk dihen shifrat e sakta të viktimave, kurse televizioni arab Al-Jazeera lajmëron se të paktën 120 veta janë vrarë nga të dyja kampet, pro dhe kundër Morsit.

Ende mbetet e paqartë se kush ka shtënë në protestuesit, dhe nuk dihet se kush i nxiti palët që të shtënë me armë zjarri.
XS
SM
MD
LG