Ndërlidhjet

logo-print

Murtaja pneumonike merr 21 jetë në Madagaskar


Ilustrim

Ilustrim

Të paktën 21 persona kanë vdekur këtë javë në veri të Madagaskarit, pas infektimit me murtajën pneumonike, njoftoi të mërkurën ministria e shëndetësisë.

“Kemi numëruar 21 vdekje në qarkun Madritsara deri më tani, por ende po presim për informata të reja nga ato zona”, një zyrtar i ministrisë i ka thënë agjencisë gjermane të lajmeve dpa.

Që nga shtatori, 36 njerëz në total kanë vdekur në këtë ishull, për shkak të kësaj sëmundjeje ngjitëse.

Numri i madh i vdekjeve në veri të këtij shteti është shkaktuar nga zbulimi i vonuar i kësaj sëmundjeje dhe trajtimit jo-adekuat, thonë autoritetet.

“Problemi në Mandritsara është se njerëzit atje, së pari i drejtohen mjekësisë popullore para asaj shtetërore”, thotë Herlyne Ramihantaniarivo zyrtar i ministrisë së shëndetësisë.

Madagaskari tropikal, i prekur nga varfëria, pothuajse rregullisht vuan nga murtaja të ndryshme, të cilat kryesisht përcillen tek njerëzit përmes minjve apo pleshtave.
XS
SM
MD
LG