Ndërlidhjet

logo-print

BE ende e gatshme për marrëveshje me Ukrainën


Ilustrim

Ilustrim

Udhëheqës të Bashkimit Evropian thonë se blloku është ende i gatshëm të nënshkruajë dokumente për marrëdhënie më të afërta me Ukrainën.

Në një draft-deklaratë të parë nga Radio Evropa e Lirë, BE thotë se do të nënshkruajë Marrëveshjen e Asociimit kur Kievi të jetë i gatshëm dhe kur të arrihen kushtet përkatëse.

Liderët e BE-së janë mbledhur sot në Bruksel për një samit dyditor.

Draft-dokumenti po ashtu thotë se BE-ja është e gatshme t’i nënshkruajë këto marrëveshje sa më shpejt që të jetë e mundur edhe me Moldavinë dhe Gjeorgjinë.

Ukraina ka befasuar BE-në muajin e kaluar, kur është tërhequr nga nënshkrimi i Marrëveshjes së Asociimit me bllokun.

Ky vendim i Qeverisë ukrainase ka shkaktuar protesta masive në Kiev, të cilat vazhdojnë ende.
XS
SM
MD
LG