Një stuhi e fuqishme e ka goditur ishullin jugor të Okinaves, duke paralizuar transportin dhe duke detyruar bazën ushtarake amerikane në këtë ishull të anulojnë të gjitha aktivitetet jashtë objekteve.
Qeveria rajonale e Okinaves ka thënë se deri më tash janë lënduar 10 persona.
Agjencia meteorologjike e Japonisë ka thënë se stuhia “Neoguri” ka arritur shpejtësinë prej 194 km për orë, duke e bërë atë një prej stuhieve më të fuqishme që e kanë goditur Japoninë gjatë muajve të verës.
Stuhia tani është në rrugë drejt ishullit malor të Kyushus dhe qytetit të Nagasakit.
Një person raportohet si i zhdukur gjatë peshkimit në ujërat e rrëmbyeshëm të Kyushus.
Stuhia megjithatë ka filluar ta humbas fuqinë gjatë ditës.
Autoritetet në Kinë dhe Taivan i kanë paralajmëruar anijet që të largohen si shkak i stuhisë.