Ndërlidhjet

logo-print

Partia e konfirmon Davutoglun për postin e kryeministrit


Kryeministri i ardhshëm turk, Ahmet Davutoglu

Kryeministri i ardhshëm turk, Ahmet Davutoglu

Partia turke për Drejtësi dhe Zhvillim (AKP) e ka konfirmuar Ahmet Davutoglun, si kryeministër dhe lider të partisë.

Vendimi që Davutoglu të zëvendësojë të sapo zgjedhurin si president të Turqisë, Rexhep Tajip Erdogan në pozitën e kryeministrit është marrë sot gjatë kongresit të partisë në Ankara.

Davutoglu, gjatë kongresit ka thënë se anëtarësimi në BE është cak strategjik për Turqinë dhe se ai do e ndjek këtë agjendë.

Ai gjithashtu ka thënë se Turqia ka nevojë për kushtetutë të re me karakter liberal.

Erdogan ka thënë se ai do i kërkojë Davutoglut që të formojë qeveri të re më 28 gusht, ndërsa një ditë më pas të bëjë publike kabinetin e ri.

Erdogan pritet të inaugurohet si president më 28 gusht.

Ai ka qenë kryeministër i Turqisë për 11 vjet.

Erdogan pritet që të nxis ndryshime kushtetuese që ta transformojë presidencën nga një post ceremonial, ashtu siç është tani në një pozitë më të fuqishme.

XS
SM
MD
LG