Një bombë ka vrarë dy policë dhe ka plagosur dy të tjerë në veri të Egjiptit.
Televizioni shtetëror ka raportuar se sulmi ka ndodhur në Al-Arish, kryeqytetin e provincës së trazuar të Sinait Verior.
Ai vjen vetëm pak ditë pas shpërthimit të një bombe pranë Gjykatës së Lartë në Kajro, i cili ka plagosur 12 njerëz.
Shpërthimet e tilla janë bërë të zakonshme në Egjipt prejse ushtria ka rrëzuar presidentin Muhammad Morsi, vitin e kaluar.
Qindra mbështetës të tij janë vrarë gjatë përleshjeve me policinë.
