Wendy Sherman, negociatore udhëheqëse e Shteteve të Bashkuara për programin atomik të Iranit, do të bëhet ushtruese e detyrës së zëvendës-sekretarit të shtetit.
Departamenti amerikan i shtetit ka kumtuar sot se zonja Sherman do të vazhdoj të jetë edhe nënsekretare e shtetit për çështje politike.
Kështu, Wendy Sherman, praktikisht në të njejtën kohë do t’i mbajë postet numër 2 dhe 3 në Departamentin e shtetit.
Zëvendës-sekretari i shtetit aktual, William J. Burns, në muajin prill e ka shpallur vendim e tij për tërheqje nga ky post.
