Presidenti i Shteteve të Bashkuara, Barack Obama, ka kërkuar nga Republikanët dhe Demokratët që, para fundit të vitit, të miratojnë fondet për të luftuar militantët e Shtetit Islamik(IS) dhe Ebolën.
Obama ka kërkuar nga ligjvënësit që të mbështesin kërkesën e tij për 5.6 miliardë dollarë, për operacionet në Irak dhe Siri, kundër Shtetit Islamik.
Kjo shumë përfshin 1.6 miliard dollarë për vendosjen e 1,500 trupave shtesë në Irak, të cilët janë autorizuar nga presidenti Obama më 7 nëntor.
Kjo shifër do ta çonte në 3,100 numrin e trupave amerikane që trajnojnë forcat irakiane dhe kurde.
Obama po ashtu ka kërkuar 6.1 miliardë dollarë fonde emergjente për të luftuar Ebolën.