Operacioni i ushtrisë së Irakut për të rimarrë qytetin e Tikritit nga militantët e Shtetit Islamik ka detyruar rreth 28,000 njerëz që të lënë shtëpitë e tyre, kanë bërë të ditur Kombet e Bashkuara.
“Raportet nga terreni tregojnë se zhvendosje të tjera janë në proces dhe se shumë familje mbeten të bllokuara në pika kontrolli”, thuhet në deklaratën e OKB-së.
Operacioni për rimarrjen e Tikritit, i cili përfshin rreth 30,000 ushtarë dhe milicë shiitë, ka hyrë tashmë në ditën e katërt.
Shteti Islamik ka marrë kontrollin e tij qysh nga vera e kaluar.
