Disa persona janë lënduar në përleshjet që kanë ndodhur në mes të aktivistëve të partisë qeveritare të Gjeorgjisë dhe atyre të partisë opozitare, Lëvizja Kombëtare e Bashkuar në qytetin perëndimor të Zugdidit.
Përleshjet kanë nisur kur përkrahësit e qeverisë, disa prej të cilëve me shkopinj, filluan të thyejnë dyertë e zyreve të partisë opozitare dhe nisën të hyjnë brenda atyre zyreve.
Protestuesit qeveritar janë mbledhur para selisë së partisë opozitare në këtë qytet për të kundërshtuar planet e opozitës për demonstratë në Tbilisi më 21 mars.
Së paku një oficer policor është në mesin e të lënduarve.
Ligjvënësit e partisë opozitare i kanë dënuar përleshjet dhe kanë përsëritur se demonstrata megjithatë do të mbahet në kryeqytetin e Gjeorgjisë.