Ndërlidhjet

Sot kalon afati për marrëveshje bërthamore të Iranit


Ilustrim

Ilustrim

Negociatorët nga Irani dhe gjashtë fuqi botërore kanë nisur bisedimet në ditën e fundit kur skadon afati i vendosur nga vet palët për të arritur marrëveshje për kufizimin e programit bërthamor të Iranit.

Nëse arrihet marrëveshje, Iranit do t’i lehtësohen sanksionet ekonomike.

Negociatat janë intensifikuar derisa po afrohet afati i fundit për t’i dhënë fund mospajtimeve 12 vjeçare rreth aktiviteteve bërthamore të Iranit.

Sipas perëndimit, Irani tenton të ndërtojë armë bërthamore, ndërsa Irani thotë se aktivitetet e saj janë për qëllime paqësore.

Nëse arrihet marrëveshje fillestare sot, ajo duhet të finalizohet më së largu deri më 30 qershor.

Kryediplomatët nga SHBA-të, Kina, Britania, Gjermania dhe Franca janë takuar sot herët pa praninë e ministrit të jashtëm rus, Sergei Lavrov i cili u kthye në Moskë nga Luzana e Zvicrës ku po mbahet këto bisedime.

Diplomatët më pas kanë nisur takimin me homologun iranian, Mohammad Javad Zarif.

XS
SM
MD
LG