Në Pakistan është sot ditë zie për shtatë viktimat e rrëzimit të helikopterit, një ditë më parë.
Ambasadorët e Filipineve dhe Norvegjisë, ashtu si edhe gratë e dy diplomatëve të tjerë kanë vdekur në incidentin që ka ndodhur në veri të Pakistanit.
Të vdekur kanë mbetur edhe dy pilotë dhe një anëtar i ekuipazhit.
Trupat e të gjitha vitimave kanë arritur sot në një bazë ushtarake pranë Islamabadit.
Talibanët pakistanezë kanë thënë se kanë qëlluar helikopterin, por, sipas zyrtarëve, incidenti është shkaktuar nga problemet teknike.
