Ndërlidhjet

Britania mund ta mbaj referendumin për BE para 2017-ës


Kryeministri britanik, David Cameron

Kryeministri britanik, David Cameron

Kryeministri britanik, David Cameron do ta mbaj referundimin rreth daljes së mundshme të shtetit ishull nga BE para fundit të vitit 2017.

Sipas zëdhënësit të tij, Cameron dëshiron ndryshimin e traktatit të BE si pjesë të rinegociomit të lidhjeve të Britanisë me Brukselin.

“Nëse ne mund ta bëjmë më herët (referendumin), ne do e bëjmë këtë”, ka thënë zëdhënësi i Cameron dhe ka shtuar se “nuk ka ndryshim në pozicione. Kryeministri i ka bërë të ditura ato në disa raste”.

“Ai dëshiron ndryshime të traktatit. Të gjitha këshillat që ai i ka pasur është e nevojshme të bëhet ndryshimi i traktatit, për shembull ndryshimet që ne duam t’i shohim në mirëqënie”, ka thënë zëdhënësi i Cameron.

Cameron, më parë kishte thënë se referendumi gjatë të cilit qytetarët e shtetit ishull do të pyetën a duan të mbesin pjesë e BE-së apo jo, do të mbahej në fund të vitit 2017.

Sipas kabinetit të tij, në pjesën e dytë të qershorit, ai do ua prezantojë liderëve të BE-së listën me reformat e nevojshme sipas këndvështrimit britanik.

XS
SM
MD
LG