Qeveria e Armenisë ka refuzuar të tërheqë vendimin për rritjen e çmimit të energjisë elektrike, përkundër protestave masive në vend.
Kryeministri Hovik Abrahamian ka thënë se autoritetet do të vazhdojnë me planet e tyre “për të garantuar sigurinë e energjisë”.
Megjithatë, ai ka thënë se ndihmat shtetërore për rreth 105,000 familje do të rriten, për t’iu ndihmuar atyre që t’i bëjnë ballë çmimit të ri.
Autoritetet kanë thënë se do të rrisin çmimin e rrymës për 16 për qind, nisur nga data 1 gusht.
Abrahamian u ka bërë thirrje protestuesve që të zhbllokojnë rrugët kryesore të kryeqytetit.
Protestat në Jerevan të Armenisë kanë hyrë në javën e dytë.
Protestuesit kanë thënë se nuk do të tërhiqen me gjithë rrezikun e përleshjeve me policinë.
Protestat kanë marrë vrull më 23 qershor, kur policia ka përdorur topa uji kundër tyre, duke shkaktuar konfrontim mes protestuesve dhe forcave të rendit.