Kina ka kritikuar Shtetet e Bashkuara për shkelje “të tmerrshme” të të drejtave të njeriut, duke i akuzuar ato për brutalitet policor dhe mbikëqyrje globale.
Reagimi vjen një ditë pasi Departamenti amerikan i Shtetit ka publikuar raportin për të drejtat e njeriut në vitin 2014, duke kritikuar ashpër Kinën.
Raporti i Këshillit Shtetëror të Kinës thotë se Amerika është përfshirë nga armët, krimet e dhusnhme dhe përdorimi i tepruar i forcës nga ana e policisë.
Po sipas Pekinit, inteligjenca e Shteteve të Bashkuara ka përdorur torturë “pa dallim” kundër terroristëve të dyshuar dhe “ka shkelur të drejtat e njeriut në vendet e tjera” me sulme të telekomanduara dhe programe të mbikëqyrjes.