Pas pozicionimit të deputetëve opozitarë kundër themelimit të Gjykatës Speciale, edhe deputetja e Partisë Demokratike, Ganimete Musliu ka shprehur hapur qëndrimin e saj në kuvend kundër.
Ajo tha se nuk beson që kjo gjykatë do të merr ndonjë vendim të drejtë, marrë parasysh edhe gjykimet e këtyre viteve nga ana e UNMIK-ut, Tribunalit të Hagës dhe EULEX-it.
Pas pauzës së drekës, Kuvendi i Kosovës po vazhdon punimet ku në rend dite ka shqyrtimin për miratim të amendamentit kushtetues për themelimin e Gjykatës Speciale.
Protesta e organizuar nga organizatat e dala nga lufta e Ushtrisë Çlirimtare të Kosovës, për të kundërshtuar themelimin e Gjykatës Speciale për krime lufte në Kosovë, ka përfunduar pak para orës 14:00.
Protesta është mbajtur para objektit të Kuvendit të Kosovës.
Përfaqësuesit e këtyre organizatave kanë theksuar se “deputetët e Kuvendit të Kosovës e kanë marrë porosinë e protestuesve”, e cila, sipas tyre, duhet të respektohet.
Kuvendi i Kosovës ka përmbyllur pjesën e parë të punës së seancës, ku po diskutohet themelimi i Gjykatës Speciale.
Deputeti dhe kryetari i partisë Nisma, Fatmir Limaj, ishte folësi i fundit para se Kuvendi të shkonte në pauzë.
Ai ka thënë se me këtë gjykatë po suprimohet kushtetuta dhe se nga themelimi i kësaj gjykate, asgjë më nuk do të jetë njësoj. Andaj, ka ftuar deputetët të mos e mbështesin këtë themelimin e kësaj gjykate.
Pritet që seanca të vazhdojë pas orës 15:00.