Thatësira në Korenë e Veriut ka vënë në rrezik jetët e fëmijëve, ka paralajmëruar Agjencia për Fëmijë e Kombeve të Bashkuara.
UNICEF ka thënë se ka rritje të mprehtë të rasteve me diarre në zonat e prekura nga thatësira, pasi qasja në ujë të pijshëm dhe higjienë publike është vështirësuar keq.
“Mungesa e shiut redukton qasjen në ujë të pastër dhe minon higjienën efektive, duke vënë në rrezik jetën e fëmijëve”, ka thënë drejtori rajonal i UNICEF-it, Daniel Toole.
Koreja e Veriut thotë se është duke përjetuar thatësirën më të keqe në një shekull.
