Koalicioni i sulmeve ajrore i udhëhequr nga Shtetet e Bashkuara ka kryer 15 sulme ajrore në Siri dhe Irak, kundër militantëve të Shtetit Islamik, thuhet në deklaratën e Task Forcës së përbashkët.
Gjatë ditës së enjte janë kryer 6 sulme ajrore në Siri, në qytetet e Al Hasaka, Aleppo, Ayn Isa dhe Dayr Az Zaër, të cilat kanë pasur për cak njësitë taktike, pajisjet dhe pozicionet e luftëtarëve.
Task Forca thotë se sulmet ajrore këtë javë kanë ndihmuar forcat kurde siriane të kenë kontrollë më të madh në qytetin Al Hasaka.
Në Irak janë kryer 9 sulme ajrore, ku cak kanë qenë njësitë taktike, makinat, pozicionet e luftëtare.
Sipas Task Forcës, sulmet ajrore janë kryer në 6 qytete irakiane.
