Autoritetet afgane kanë njoftuar për vrasjen e 22 personave në një sulm të talibanëve në provincën Konduz.
Ngjarja ka ndodhur mbrëmë vonë, kur një sulmues vetëvrasës ka shpërthyer makinën e mbushur me eksplozivë pranë një grupi të milicëve pro-qeveritarë.
Vetëm një ditë më parë, militantët talibanë kanë kryer një seri sulmesh në Kabul, duke vrarë së paku 51 persona.
Ka qenë kjo dita më e përgjakshme në kryeqytetin afgan që nga tërheqja e shumicës së forcave luftarake ndërkombëtare në fund të vitit të kaluar.