Kina tha se Japonia duhet të kërkoj falje të sinqertë nga vendet, që kanë vuajtur gjatë agresionit ushtarak japonez, duke u përgjigjur ndaj komenteve të kryeministrit të Japonisë, Shinzo Abe, me rastin e 70 vjetorit të përfundimit të Luftës së Dytë Botërore.
Mëtutje, zyrtari i lartë i Ministrisë së jashtme të Kinës, Zhang Yesui, tha sot se Japonia duhet të ndërmarrë “aksione konkrete për ta fituar besimin e fqinjëve të vet aziatikë dhe të komunitetit global”.
Më herët gjatë ditës, kryeministri japonez, Shinzo Abe, ka shprehur “pikëllim të thellë” për të gjithë ata që vuajtën në Luftën e Dytë Botërore.
Zoti Abe i ka përmendur kërkim faljet e së kaluarës, por vetë nuk ka kërkuar falje.
Ai tha se Japonia ka dëshirë për të lëvizur përpara duke i marrë “mësimet e historisë thellë në zemrat tona”.
Trashëgimia e luftës ende i ngarkon raportet e Kinës dhe Koresë Jugore me Japoninë, pasi ato kishin vuajtur nën okupimin japonez, ndonjëherë brutal, deri në kapitullimin e Japonisë në vitin 1945.