Mediat iraniane raportojnë se dy pjesëtarë të Gardës Revolucionare të Iranit janë vrarë në Siri.
Ky informacion i sotëm u publikua vetëm një ditë pasi autoritetet e Iranit konfirmuan se dy pjesëtarë të tjerë të kësaj garde ishin vrarë në Siri.
Agjencia e lajmeve Fars raportoi se dy luftëtarët ishin vrarë në qyrtetin verior Alepo në Siri, dje dhe sot, duke luftuar kundër militantlëve të Shtetit Islamik.
Irani është aleati kryesor rajonal i presidentit të Sirisë, Bashar al-Assad, dhe ka ndihmuar me mbështetje ushtarake dhe ekonomike, gjatë luftës civile katërvjeçare në Siri.