Policia ka arrestuar 17 persona gjatë disa bastisjeve që janë bërë në disa vende evropiane, lidhur me një rrjet të dyshuar për aktivitete ekstremiste, raporton BBC.
Në mesin e të arrestuarve janë gjashtë të dyshuar në Itali, katër në Britani, dhe tre në Norvegji. Policia thotë se disa nga të mund të kenë udhëtuar në Siri apo Irak.
Agjencia e lajmeve italiane ANSA tha se të dyshuarit janë akuzuar për terrorizëm ndërkombëtar.
Rrjeti dyshohet se ishte duke bërë plane për të liruar themeluesin e grupit radikal islamik, Mullah Krekar, i cili tashmë është në paraburgim në Norvegji.
BBC citon ANSA-n të ketë raportuar se 16 nga të arrestuarit janë "kurdë dhe një është nga Kosova".
Mediat vendore në Kosovë, duke u thirrur gjithashtu në agjencinë ANSA, thonë se i arrestuari nga Kosova është Eldin Hoxha, por këto njoftime nuk janë konfirmuar zyrtarisht në Prishtinë.