Ndërlidhjet

Arrestime në Tunizi, pas shpërthimit të autobusit


Ceremonia gjatë varrimit të të vrarëve, të rojës presidenciale.

Ceremonia gjatë varrimit të të vrarëve, të rojës presidenciale.

Dhjetëra njerëz janë arrestuar në Tunizi në lidhje me shpërthimin e kësaj jave, që goditi një autobusit, që barte pjesëtarët e rojës presidenciale tunizian ka thënë Ministria e Brendshme.

Të përfshira në arrestimet janë edhe nëna dhe motra e një sulmuesi vetëvrasës sipas ministrisë. Autoritetet gjyqësore po hetojnë lidhjet e tyre me sulmin.

ISIS ka marrë përgjegjësinë për shpërthimin e së martës që vrau 12 persona në Tunis. Trupi i një terroristi të dyshuar është gjetur në mesin e të vrarëve.

Shpërthimi ndodhi 10 ditë pasi autoritetet kanë rritur nivelin e sigurisë në kryeqytetin Tunis, ku kanë vendosur forcat e sigurisë në numër jashtëzakonisht të lartë.

Më parë këtë muaj, autoritetet tuniziane njoftuan për shpërbërjen e një celule të një grupi ekstremist, që kishte planifikuar sulme terroriste në stacionet policore dhe hotele në qytetin bregdetar të Sousse, rreth 150 kilometra në juglindje të Tunisit.

Industria e turizmit të Tunizisë është goditur rëndë këtë vit pas sulmeve ekstremiste.

XS
SM
MD
LG