Militantët e Shtetit Islamik (IS) e kanë marrë përgjegjësinë për një eksplodim në Jemen, me ç’rast është vrarë guvernatori i prvovincës jugore, Aden, së bashku me 6 truproje të tij.
Zyrtarët e sigurisë në Jemen thonë se guvernatori, Gaafar Muhammad, ishte duke udhëtuar për në zyrën e tij sot në mëngjes, kur një eksplodim e ka goditur konvojin e tij.
Forcat proqeveritare, të mbështetura nga koaliconi i udhëhequr nga Arabia Saudite i kanë përzënë kryengritësit shiitë huthi nga Adeni, në fillim të këtij viti.
Por, militantët e IS-it dhe aleatët e tyre nga al-Kaida në Gadishullin Arab, e kishin shfrytëzuar kaosin në konfliktin në Jemen, për të okupuar territore në pjesën jugore dhe lindore të këtij vendi.
Militantët, po ashtu, kanë prani në rritje në Aden.