Ndërlidhjet

Tajvan: Mbahen zgjedhjet madhore presidenciale


Protestuesit me mbishkrimin "Tajvani nuk është Kinë"

Protestuesit me mbishkrimin "Tajvani nuk është Kinë"

Në Tajvan sot po mbahen zgjedhjet madhore presidenciale, dhe mund të ndodhë që për të parën herë në postin më të lartë të zgjedhet një femër.

Intelektualja, Tsai Ing-wen, lidere e Partisë Demokratike Progresive në opozitë, është favorite kryesore në zgjedhjet e sotme.

Fitorja e saj do të ishte mbështetje e fuqishme për kampin pro pavarësisë në këtë ishull.

Të drejtë të votës kanë më se 18 milionë zgjedhës, ndërsa shumica prej tyre e kanë kritikuar partinë në pushtet, Kuomintang, se ka dështuar në planin ekonomik dhe se ka lëvizur shumë afër Kinës.

Kina e konsideron Tajvanin provincë të ndarë dhe është kërcënuar se do ta kthejë nën sovranitet edhe me forcë nëse është e nevojshme.

Liderja opozitare, Tsai Ing-wen, ka shprehur përkushtim për ta mbajtur status-kuon e pavarësisë de-facto, për këtë ishull me 23 milionë banorë, por ka refuzuar ta mbështesë parimin se Tajvani dhe Kina janë pjesë e një kombi të vetëm që eventualisht mund të bashkohen.

Tajvani është ndarë nga Kina gjatë luftës civile në vitin 1949.

XS
SM
MD
LG