Tre amerikanë, të cilët janë rrëmbyer në Bagdad muajin e kaluar, janë liruar.
Departamenti amerikan i Shtetit ka mirëpritur lirimin e trye, duke falënderuar Qeverinë e Irakut për ndihmën e ofruar.
“Ne vlerësojmë ndihmën e ofruar nga Qeveria e Irakut dhe përpjekjet e saj për t’i liruar në mënyrë të sigurt këta individë”, ka thënë zëdhënësi i Departamentit amerikan të Shtetit, Mark Toner.
Të tre ata janë në gjendje të mirë shëndetësore dhe janë dorëzuar në ambasadën e Shteteve të Bashkuara në Bagdad.
Ambasada ka konfirmuar në muajin janar se disa amerikanë janë zhdukur.
Autoritetet irakiane kanë thënë se tre personat në fjalë janë rrëmbyer nga një “apartament i dyshimtë” dhe nuk kanë dhënë detaje të tjera.
Zyrtarët amerikanë kanë shprehur dyshimet se milicitë shiite kanë qëndruar prapa kidnapimit.
