Policia kroate ka arrestuar të premten ish-kreun e një burgu famëkeq ushtarak, të dënuar për krime lufte kundër serbëve, i cili ka qenë në arrati për 15 vjet.
Tomisllav Duiq, i cili është dënuar në mungesë në vitin 2006, me tetë vjet burgim, është arrestuar në qytetin Split, ka thënë një zëdhënës i gjykatës për mediat lokale.
Duiq ka qenë njëri nga tetë ish-policët ushtarakë, të shpallur fajtorë për vrasjen e dy civilëve serbë dhe torturimin e disa të tjerëve, që janë mbajtur në burgun Lora në Split, në vitin 1992.
Duiq ka qenë në arrati prejse janë hapur hetimet për krimin në vitin 2001.
