Në orët e para të mëngjesit të së hënës, është djegur një veturë e cila pretendohet të jetë e shefit të Grupit Parlamentar të Lidhjes Demokratike të Kosovës, Ismet Beqiri.
Policia e Kosovës ka konfirmuar për Radion Evropa e Lirë rastin, por duke mos dhënë detaje të tjera.
"Rreth orës 4:38 policia ka marrë një informatë se në rrugën Sylejman Vokshi është djegur një veturë e tipit "Pasat" me ngjyrë të zezë, me targa RKS", tha Flora Ahmeti, zëdhënëse e Policisë së Kosovës.
Djegien e veturës, e ka konfirmuar edhe vetë Ismet Beqiri.
Javë më parë u dogj edhe vetura e bashkëshortes së ministrit Bujqësisë në Qeverinë e Kosovës, Memli Krasniqi, si dhe vetura e bashkëshortes së zëvendësministrit të Pushtetit Lokal në Qeverinë e Kosovës, Bajram Gecaj.
Deri më tani, autoritetet përgjegjëse nuk kanë arritur të zbulojnë akterët e këtyre rasteve. (f.m)
