Ministri i Jashtëm i Rusisë, Sergei Lavrov, pritet të takohet sot në Moskë me Lamberto Zannierin, sekretarin e Përgjithshëm të Organizatës për Siguri dhe Bashkëpunim në Evropë (OSBE).
Takimi vjen në kohën kur në Moskë po mbahet një konferencë për siguri, e organizuar nga Ministria ruse e Mbrojtjes.
Ministria e Jashtme ruse tha se Lavrovi dhe Zannieri do të diskutojnë për aktivitetet e Misionit Special Monitorues të OSBE-së në Ukrainë. Ky mision po e bën mbikqyrjen e armëpushimit në lindje të Ukrainës, i cili është pjesë e marrëveshjes së Minskut.
Para vizitës së tij në Moskë, Zannier shkruajti një artikull, të publikuar nga gazeta e biznesit Kommersant, ku sugjeronte se ai dhe Lavrovi gjithashtu mund të diskutojnë për marrëdhëniet e Rusisë me NATO-n dhe Bashkimin Evropian.
