Të paktën 18 njerëz kanë vdekur në Indi, kur një anije u përmbys në lindje të Indisë, ka thënë sot policia lokale.
Anija, e cila bartte më shumë se 50 njerëz, u fundos në lumin Hooghly, në shtetin e Bengalit Perëndimor.
“Në operacionet e shpëtimit, deri sot, janë gjetur 18 trupa”, ka thënë shefi i policisë, Gaurav Sharma.
“Shumë të tjerë janë shpëtuar, e disa kanë notuar deri në breg”, ka thënë Sharma, duke shtuar se është ende e paqartë se sa njerëz ende mungojë.
Zhytës dhe personel nga Forca Kombëtare e Fatkeqësive janë duke i kryer operacionet e shpëtimit, ndërsa shifra e njerëzve të vdekur parashihet të rritet.
Hetimet paraprake tregojnë se anija është përmbysur për shkak të mbingarkesës.
