Ndërlidhjet

logo-print

OKB: Civilët në Falluxha janë në “rrezik të madh”


Falluxha, Irak

Falluxha, Irak

Kombet e Bashkuara kanë shprehur shqetësim për fatin e rreth 50,000 civilëve në qytetin Falluxha të Irakut, ku forcat qeveritare kanë nisur një ofensivë për çlirimin e tij nga grupi militant Shteti Islamik (IS).

Zëdhënësi i OKB-së, Stephane Dujarric, ka thënë se civilët janë në “rrezik të madh” dhe ka kërkuar krijimin e korridoreve të sigurta për ta.

“Situata humanitare padyshim se mbetet e paqëndrueshme, pasi luftimet vazhdojnë”, ka thënë Dujarric.

Ushtria, policia dhe milicitë aleate të Irakut kanë nisur të hënën operacionin për rimarrjen e Falluxhas, e cila ndodhet rreth 50 kilometra në perëndim të Bagdadit.

Falluxha ka qenë qyteti i parë që është pushtuar nga Shteti Islamik në janar të vitit 2014.

Rreth 10,000 familje që jetojnë atje, janë përballur me mungesa të ushqimit dhe gjërave të tjera të domosdoshme.

XS
SM
MD
LG