Ndërlidhjet

logo-print

Irani po “respekton” marrëveshjen bërthamore


Ilustrim

Ilustrim

Agjencia Ndërkombëtare për Energji Bërthamore (ANEB) ka thënë se Irani është duke mbajtur rezervat e uraniumit dhe ujërat e rëndë brenda kufijve të përcaktuar me marrëveshjen bërthamore.

Kjo e fundit është arritur vitin e kaluar midis Republikës Islamike dhe gjashtë fuqive botërore.

Në raportin e publikuar të premten, ANEB ka thënë se gjatë tre muajve të fundit “Irani nuk ka pasur më shumë se 30 tonë metrikë ujëra të rëndë” dhe se “stoqet e uraniumit të pasuruar të Iranit nuk kanë kaluar 300 kg”.

Vlerësimi tregon se Irani është duke vepruar në përputhje më të ngushtë me limitet e përcaktuara, krahasuar me raportin paraprak të ANEB-it.

Në muajin shkurt, ANEB ka thënë se Irani, në një kohë, ka tejkaluar kufirin e ujërave të rëndë, porse shpejt është kthyer brenda kufijve të marrëveshjes.

Uji i rëndë paraqet shqetësim potencial, sepse përdoret në reaktorët që prodhojnë sasi të konsiderueshme të plutoniumit – një rrugë e mundshme për armë bërthamore.

ANEB është përgjegjës për të monitoruar marrëveshjen që Irani ka nënshkruar në muajin korrik me Shtetet e Bashkuara, Rusinë, Kinën, Britaninë, Francën dhe Gjermaninë.

Me marrëveshje, Irani ka reduktuar aktivitenin bërthamor, në këmbim të lehtësimit të sanksioneve ndërkombëtare kundër tij.

XS
SM
MD
LG