Ndërlidhjet

logo-print

Kirgizi: Arrestohet Imami me dyshimin se përdhunoj një 10 vjeçar


Ilustrim

Ilustrim

Një imam në Kirgizi është paraburgosur dhe po merret në pyetje në pjesën jugore të këtij vendi pasi akuzohet se e ka përdhunuar një djal 10 vjeçar.

Zëdhënësi i policisë rajonale të zonës, Myktybek Turdubekov, i ka thënë sot Radios Evropa e Lirë se imami 58 vjeçar është paraburgosur pasi një grua nga fshati At-Basar e ka bërë padinë për dyshimin se djali i saj është përdhunuar rregullisht nga Imami.

Autoritetet nuk e kanë publikuar emrin e imamit dhe ende nuk kanë vendosur nëse do të ngrisin aktakuzë kundër tij.

Nëna e viktimës së dyshuar, e cila është prezantuar si Salima, i ka thënë REL se padia në polici më 18 qershor është bërë megjithë kundërshtimin e burrit të saj.

Ajo ka thënë se burri nuk ka dashur që të “dëmtohet nderi i familjes”.

Salima e akuzon imamin se rregullisht e ka përdhunuar djalin e saj gjatë së paku një viti.

Ajo thotë se e ka vërejtur që gjendja psikologjike e djalit kishte ndryshuar dhe se ai i ka thënë të ëmes së po përdhunohet.

XS
SM
MD
LG