Një tribunal ndërkombëtar do të japë sot vendimin e shumëpritur për territoret e kontestueshme në Detin e Kinës Jugore.
Rasti në gjykatën e Hagës është sjellë nga Filipinet, të cilat thonë se aktiviteti i Kinës në rajon është kundër së drejtës ndërkombëtare.
Kina pretendon pronësinë e 90 përqind të Detit të Kinës Jugore, përfshirë shkëmbinjtë nënujorë dhe ishujt, që po ashtu pretendohen nga të tjerët.
Kina thotë se nuk e njeh gjykatën dhe refuzon të marrë pjesë.
Vendimi i gjykatës do të jetë detyrues, por gjykata nuk ka kompetenca të zbatimit.
