Ndërlidhjet

logo-print

Trump nuk beson se Rusia po ndërhynë në zgjedhjet në SHBA


Kandidati republikan për president të SHBA-së, Donald Trump i ka thënë televizionit se “me gjasë” Rusia nuk po tenton të ndërhyjë në zgjedhjet presidenciale në SHBA.

Trump, i cili po kritikohet nga dy partitë për shkak se së fundmi ka lavdëruar presidentin rus, Vladimir Putin, është intervistuar nga gazetari amerikan Larry King, programi i të cilit shfaqet në RT Amerika, që është pjesë e rrjetit të njohur “Russia Today”.

Një zëdhënëse e Trump ka sygjeruar se Trump nuk ishte në dijeni që programi i King, ishte i lidhur me rrjetin e informacioneve të mbështetur nga Rusia.

Trump u pyet për raportet se agjencitë e inteligjencës amerikane janë duke hetuar nëse Rusia është duke ndërhyrë në zgjedhje përmes sulmeve kibernetike, por ai tha se është skeptik për një gjë të tillë.

Trump u pyet nëse Rusia po ndërhynë në zgjedhjet presidenciale në SHBA përmes sulmeve kibernetike, pasi shërbimet e inteligjencës amerikane janë duke hetuar një mundësi të tillë, Trump tha se është skeptik për një gjë të tillë.

“Nuk besoj se kjo ka gjasë nuk po ndodhë. Besoj se këto informacione po i hedhin në publik demokratët. Nëse janë duke ndërmarrë diçka, do të ishte mirë që të gjindej se kush qëndron prapa kësaj, në mënyrë që kjo gjë të marrë fund”, ka thënë Trump.

Ekspertët e kibernetikës kanë akuzuar agjencitë e inteligjencës ruse, se kanë hyrë në kompjuterët e Partisë Demoraktike.

XS
SM
MD
LG