Ndërlidhjet

Rusia: Shkeljet e militantëve e bëjnë armëpushimin të “pakuptimtë”


Aleppo, foto arkiv
Aleppo, foto arkiv

Ministria e Mbrojtjes së Rusisë ka thënë se e konsideron se është e “pakuptimtë” që forcat e qeverisë siriane t’i përmbahen marrëveshjes së armëpushimit përderisa ata po sulmohen nga rebelët.

“Duke konsideruar se kushtet e armëpushimit nuk janë duke u respektuar nga rebelët, ne e konsiderojmë të pakuptimtë që forcat e qeverisë siriane ta respektojnë armëpushimin në mënyrë të njëandhshme”, ka thënë zyrtari nga Ministria e Mbrotjes, Sergei Rudskoy.

Ministria ka thënë se është duke monitoruar gjendjen në terren dhe kanë gjetur 53 shkelje të armëpushimit në Siri vetëm në 24 orët e fundit.

Ka informacione se grupet e opozitës së moderuar siriane janë bashkuar me “grupet terroriste” dhe se po përgatisin sulme të përbashkëta, pretendon ministria ruse.

Marrëveshja e armëpushimit ka hyrë në fuqi më 12 shtator.

XS
SM
MD
LG